Artist mewn Sgwrs

Mae Wanda Zyborska yn gweithio mewn amrywiaeth mawr o gyfryngau, mewn 3D a pherfformio yn bennaf, ac mae hi'n aml yn defnyddio dulliau tecstilau i greu gwaith sy’n herio stereoteipiau rhywedd a hunaniaeth. Mae hi'n ymddiddori mewn celfyddyd wleidyddol ac ymyriadau cyhoeddus.

Mae Wanda wrthi’n astudio am ddoethuriaeth drwy ymarfer er mwyn archwilio materion yn ymwneud â heneiddio a'r modd mae menywod hŷn yn cael eu cynrychioli. Mae hi’n gweithio yng nghyd-destun damcaniaethol y corff a hunaniaeth, sy’n bodoli yn y wleidyddiaeth sy'n ymdrin â lle a rhywedd. Mae hi'n aelod o wahanol gydweithfeydd celf, ac mae hi’n addysgu Celfyddyd Gain ym Mhrifysgol Bangor.

Yn dilyn y sgwrs, bydd trafodaeth gydag Alfredo Cramerotti, Cyfarwyddwr MOSTYN.