Portffolio: dosbarthiadau meistr i bobl 14 - 18 oed

Caiff Print Garage ei redeg gan Iain Perry, artist a sgrin-brintiwr sy’n creu sgrin-brintiau o haenau dyfnion, wedi’u trwytho gyda lliw ac mewn lluniau araf. Mae ei waith yn benthyg iaith o ffurfiau celf eraill gan gynnwys ffilm a ffotograffiaeth, barddoniaeth, cerddoriaeth electroneg a’r diwylliant ‘rave’ - wrth gyfuno, cymysgu ac ailgymysgu, gan gynnig arwyddion ac arwyddwyr cyfarwydd ond wedi’u plygu a’u hadlewyrchu rŵan, yn dwyllodrus ac awgrymiadol, y cyfan â blas ysgafn elfen gynnil o danseiliad. Mae haenau o eiconograffiaeth a geometreg tameidiog yn ymgyfuno ar y papur, fel brychau o lwch wedi’u dal ar belydr o olau gan ein herian gyda chipolwg digywilydd o gestalt llawer mwy. Mae cenhedlu’r ddelwedd yn broses araf o arbrofi, o geisio a methu; casglu delweddau, datblygu patrymau a gorchuddio’r gwahanol elfennau nes bod perthnasau newydd a difyr yn ymddangos.

 

Gweithdai yn cynnwys torriad 1 awr. Dewch â bocs bwyd.